افرد جناحك يا طير

" إفرد جناحك يا طير .."

إفرد جناحك يا طير وبلاش كسل
دا الدنيا زى ما فيها اليأس فيها الأمل

إفرد جناحك يا طير وطير فى السما العالية
وإضحك للدنيا يا طير دى ضحكتك والله غالية

طير يا طير من غير خوف
هتلف بلاد ويامه هتشوف

وفى كل مكان هتتعلم
وإياك من الكلمة الجارحة تتألم

وإياك يا طير تفقد الثقة فى الناس
لحسن تدوخ يا طير وساعتها هتحتاس

لا هتعرف تعيش فى أمان
ولا هتعرف تقدر حنان
ويمكن تتعلم تكره ويمكن كمان
قلبك يتعلم يقسى وساعتها هتلوم عالزمان

طير يا طير وقول للدنيا كلها
أنا طاير فى السما بحرية ملكتها

لا هخاف ولا هقول مليت
أنا بطير بحرية وأدينى فى السما عِِلِيت

طير يا طير وما تخافش لوم اللايمين
دا فى ناس يا طير طايرين من غير جناحين

طايرين فى سما الأحلام وفيها عايشين
وعدوا يا طير حدود الخيال بكتير

لا همهم لوم ولا كلام الناس الغايرانين
وطاروا ياطير ومن غير جناحين

لكن سماهم خيالية
وإنت عندك السما حقيقية

يعنى تطير بحرية
تشوف الزرعة والماية

وتتهنى بجمال الطبيعة
وإحمد ربنا عالنعمة

طير يا طير وإياك تعيش فى عش غير عشك
ولا تاخد اللى مش ملكك

طير يا طير وما تستسلمشى للأحزان
لحسن الأحزان دى مواويلها كتير

واللى يسلملها يا طير
هيضيع من عمره كتير

إجرى يا طير فى السما وطير
وإعرف إننا لنا رب كبير

أنعم عليك تكون طير تطير بحرية
تروح هنا وهناك وتطير فى السما العالية

طير يا طير وإتفرج على الورود فى البساتين
وشوفهم إزاى بجمالهم فرحانين

طير يا طير
واللى تحبه لنفسك
كمان حبه للغير

إفرد جناحك يا طير ...